Funcións oracionais III: Complemento Circunstancial, Complemento Axente, Atributo e Complemento Predicativo
Posted by romanlandin on Febreiro 29, 2008
Última presentación dedicada ás funcións oracionais. Novamente, reiteramos os nosos agradecementos a Alfonso Sancho Rodríguez (na web Trompiletras, de Efrén Vázquez), de quen a adaptamos.
Febreiro 29, 2008 at 8:58 pm
Mágoa que non sexas profesor de Primaria. Había aproveitar os teus recursos educativos ó máximo. Aínda así, penso que en sexto de Primaria, o curso que vén, @s meus alumn@s poderán acceder a certos contidos básicos do teu blogue. Xa en quinto estamos a traballar algúns. Se sabes dalgún blogue con recursos TIC de Lingua Galega para Primaria, avísame. E, se cadra, no futuro amplías algo “cara abaixo” os teus. O que máis boto a faltar na rede son materiais atraíntes para a Lingua Galega de Primaria. De Matemáticas, Coñecemento de Medio e Castelán hai abondo. Parabéns unha vez máis polo teu traballo.
Marzo 1, 2008 at 12:21 pm
Serie descritiva moi didáctica. Parabéns, Román, e obrigado, porque lle tirarei partido en breve.
Marzo 1, 2008 at 6:08 pm
De momento nada, Alberto, tampouco é que coñeza moito pero seguro que hai recursos porque hai xente en primaria facendo moitas cousas.
Xano, eu dera hai tempo con estas presentacións mais non foi até o de agora cando as recuperei grazas a que Rosa Salgueiro puxo a ligazón no seu web. De todos os xeitos, a pesar de que tentei respectar a orixe, por suposto, tiven que adaptar algunhas cousas á sintaxe galega (por exemplo, a preposición a no CD) e ao libro que empregamos este ano en 4º por aquilo de non despistar moito os rapaces. E logo está aquilo de que en sintaxe cada un é de seu pai e a súa nai.
Saúdos