Coincidindo coa celebración do seu centenario, alá polo mes de decembro trouxemos ao Caderno de Lingua unha manchea de versións do Himno Galego. Clásico, rockeiro, popeiro, aflamencado, machucado, institucional, gaiteiro… o poema de Pondal musicado polo mestre Pascual Veiga chegou a nós de múltiples formas, mesmo nunha versión beatbox-reague coa que nos agasallaron os músicos Martín Prego e Carlinhos Gende no obradoiro de hip-hop que impartiron no colexio alá polo mes de maio. Pouco despois Carlinhos Gende gañou o concurso “3, 2, 1…Click” organizado pola Concellaría de Xuventude de Vigo na modalidade de música co “Himno da GZ beatbox”. O obxectivo desta categoría era experimentar co himno galego buscando novas fórmulas diferentes da versión tradicional e o xurado valorou nesta versión a súa orixinalidade e a ruptura respecto do himno galego tradicional.
Tamén podedes escoitalo no seu sitio no Myspace, gendbeat, e grazas a A Nosa Terra TV recuperamos aquel obradoiro no vídeo “Beatbox… arte sen dependencias”.
PD do 22 de outubro:
O Himno tamén vai a ritmo de beatbox (entrevista a Gende en Vieiros).
John Balan, sen sabelo, xa facía beatbox (entrevista a Gende en La Voz de Galicia)
Caderno de Lingua 