Arquivo por etiquetas: revolta da freixa

Para traballar as lecturas

Vodpod videos no longer available.

more about “Lecturas 2“, posted with vodpod

Poñémonos ao día con recursos para traballar a lectura que foron dispostos na rede por compañeiros e compañeiras, aos que xa recorramos para outros títulos literarios aquí e aquí. Desta volta, clasificámolos segundo a súa diferente natureza:

Unidades Didácticas

Pilar Ponte achéganos unha unidade didáctica para traballar A cova das vacas mortas, de Santiago Jaureguizar, que podedes atopar no seu blogue, A Profa, que recomendamos vivamente. No Espazo Didáctico da web da AELG Concha Blanco pon á nosa disposición a unidade didáctica de Gatos e leóns, de Neira Cruz.

Cuestionarios

Dende o blogue de Caladiños, o amigo Heladio Anxo Fdez. Manso achégalle ao seu alumnado o cuestionario de Enderezo descoñecido, a novela curta de Kressman Taylor que xa é unha referencia habitual nos clubes de lectura e nas aulas de Lingua Galega e Ciencias Sociais.

Guías de lectura

N’A Revolta da Freixa, un blogue no que a literatura ocupa un lugar fundamental, atopamos un bo número de guías de lectura, compostas por reseñas, notas das editoriais, recensións cinematográficas se as houber, referencias biográficas dos autores, etc. dos seguintes títulos:

Guía d’A pista de area, de Andrea Camilleri.

Guía d’A noite d’O risón, de Gonzalo Moure.

Guía d’A vida interior de Martin Frost, de Paul Auster.

Guía de Cardume, de Rexina Vega.

Guía un, dous, tres e catro d’O muiñeiro ouveador, de Arto Passilinna.

Guía de Sarou, de Ramón Caride.

Guía d’O O frío azul, de Ramón Caride.

Aproximacións globais á obra

Ollos de auga, de Domingo Villar, no blogue Revolta da Freixa.

O único que queda é o amor, de Agustín Fernández Paz, no blogue Revolta da Freixa.

Onde o aire non era brisa, de María Victoria Moreno, no blogue Revolta da Freixa.

A pomba e o degolado, de Fina Casalderrey, no blogue Revolta da Freixa.

Poetízate, de Fran Alonso.

  • Guía de traballo, no blogue de aula Galnarciso, do IES San Narciso de Marín.
  • Guía de traballo, na páxina do Departamento de Lingua Galega do IES Leiras Pulpeiro de Lugo.
  • Guía de Traballo elaborada por Carlos Negro, do CPI Eusebio Lorenzo Baleirón de Dodro.
  • Guía de Traballo elaboarda por Rosa Salgueiro, do IES Marco do Camballón de Vila de Cruces.

Para rematar, non quixeramos despedir este post sen recomendar no ámbito da  promoción da lectura a sección “Noticias de literatura”, que neste momento acada a entrega nº 73 n’A Revolta da Freixa, unha auténtica  fonte de información da actualidade literaria galega, ademais do indispensábel e incansábel Trafegando Ronseis.

Máis achegas sobre lecturas no blogue Revolta da Freixa

Dende a Revolta da Freixa, blogue da aula de lingua do IES de Teis, seguen achegándonos novas actividades  arredor das lecturas da materia enriquecendo a cada día que pasa unha bitácora que xa é referencia na blogosfera educativa da aula de Lingua Galega.

O itinerario dunha obra comeza neste blogue cunha presentación que a modo de reseña dá a coñecer o título escollido ao seu clube de lectores/as particular. A maiores, a guía de lectura soe completarse con  recensións do libro publicadas na prensa, entrevistas ao autor, o percorrido editorial da obra e mesmo presentacións que seguen as pegadas dun título máis alá das súas páxinas. 

Finalmente, os/as lectores/as xa están máis que preparados/as para abordar un cuestionario sobre a lectura, normalmente ben conciso para completar unha visión da obra dende moi diferentes ángulos. Os test de lectura, catorce nestes momentos, e as entradas relativas a cada título están referenciadas na barra lateral do blogue. Os últimos en chegar son os cuestionarios de O único que queda é o amor, o premiado conxunto de relatos de Agustín Fernández Paz, ademais duns novidosos test de léxico, o primeiro e o segundo de Ollos de auga e outro d’A era de Lázaro, de Paula Carballeira, todos eles elaborados nunha páxina de test en liña, Daypo.com.

Revolta da Freixa incorpora, ademais, outras categorías de interese para a reflexión sociolingüística, as novas literarias, a fraseoloxía  ou convocatorias de certames literarios como “Glotofaxia”, “Taboleiro de anuncios” ou “A lingua esgallada” que achegan máis ferramentas para o traballo nas aulas de Lingua Galega.