Arquivo por etiquetas: Praza Pública

Orballo, poalla, mera, chuvisca, barruzo…

Era cousa un día de recoller todo canto material hai aproveitable para traballar nas aulas o léxico do tempo metereolóxico. E darlle un enfoque ameno e divertido pois hai moitísimos recursos de diversa fasquía para facelo (refraneiro, anuncios, música, textos literarios, cinema, deseños para camisolas e outras prendas e obxectos, etc.). Non faltaría o humor e a retranca da que acostumamos botar man para capear o temporal nas conversas e situacións cotiás (as viñetas de Luís Davila, O Bichero, terían un lugar destacado). Esta entrada publicada no blogue do colexio pode ser un exemplo moi modesto de por onde irían as cousas.

En relación a isto, lembro que hai un tempo armara unha charla (repetida no Centro Galego de Donostia, na Cátedra de Estudos Galegos da UCM e no Galicien Zentrum da Universität de Trier) nestes termos. Xa choveu!

charla_trier

Actualización (01/01/2014): Unha ducia de días de chuvia (por David Lombao, no Praza Pública) ou a chuvia que marca os nosos momentos colectivos.

Quedamos nesa Praza!

Hoxe nace Praza Pública, un novo medio dixital en galego, un espazo necesario para o encontro da cidadanía activa deste país que se vén sumar a outros pequenos (grandes) referentes locais, comarcais e temáticos que achegan vitaminas para o idioma.