Arquivo por etiquetas: Castelao

Nova entrega de Flocos de Millo: “Os vellos non deben de namorarse”

Chega a segunda entrega das reseñas audiovisuais da booktuber Flocos de Millo, Os vellos non deben de namorarse, unha obra que a nosa alumna viu no curso pasado en versión para títeres de Fantoches Baj. Agradecémoslle a Iria este contributo ao Ano Castelao, que remata este mes coa gala que terá lugar o vindeiro 18 de decembro en Pontevedra.

Baladas da Galiza imaxinaria

Como modesta homenaxe a Fran Pérez, Narf, que nos deixou hoxe, e que arestora andará imaxinando Galiza neses mundos e músicas que procurou máis ao sul.

Fermosa tamén a animación de Carlos Lago (“O Terser Home”) que ilustra este diálogo de Narf e Uxía con Castelao.

Sempre en Galiza (Castelao/Narf)

I eu cavilo na sombra fresca das carballeiras de Lalín,
nos piñeiraes da Beiramar de Noia,
nos arumes mariñeiros de Bueu,
no cumio de Monte Louro,
na frescura do meu mar de Rianxo,
na fonte cantareira da Estrada,
nos salseiros de Corrubedo,
no ar puro de Curtis,
na paz vizosa do Lérez.
(e síntome fortalecido)

Galician Lullaby (Narf)

Summer wind, you send my soul to my homeland
Take my sorrow, and i’ll sing a gentle lullaby.
Son galego da Arxentina, galego da Alemania
Galego de Cuba, da Suíza, da Holanda, do Canadá
Galego na Galiza imaxinaria..
Son galego de Caracas, galego de Santiago
Galego de Roma, de Lima, do Cairo, de Bogotá
Galego na Galiza imaxinaria…
Non fago máis que atopar xente distinta
Ca mesma teima ca min
Non fago máis que ouvir outras voces
Que son a mesma voz
Vento do verán, traesme saudades da casa
Leva a miña pena e cantareiche unha nana…

“Álbum Nós” e “Álbums de Guerra” de Castelao en Splashcast

O Caderno de Lingua chega ao post número 100 a piques de cumprir un ano de vida, de aí que, ademais de seguir medrando, cumpra mellorar o material publicado que sexa susceptíbel de facelo, que é moito. Grazas ás observacións de Rosa (agradecería aos visitantes do blogue que me trasladasen este tipo de problemas e correccións de todo tipo), volvo sobre a entrada Castelao: Álbum Nós e Álbums da Guerra (04-02-2008), que recolle parte da obra gráfica de Castelao por medio de dúas presentacións con música elaboradas con Snips. Esta aplicación non permite visualizar os diaporamas en pantalla completa, depreciando xa que logo o seu valor como recurso para usar na aula. No entanto, con Splashcast (titorial de Xano en Ágora Rede) é posíbel ver as presentacións en diversos tamaños (ao pasar o cursor por riba da presentación unha vez iniciada) e permite integralas directamente en WordPress, aspecto que non era factíbel coa anterior ferramenta. Ademais, tanto as creadas con Snips como con Splashcast atópanse no meu espazo en VodPod, accesíbel na columna esquerda do blogue.

A primeira presentación recolle as láminas do álbum Nós ao completo acompañadas polo tema homónimo do disco Zume de terra (2007), de Xosé Manuel Budiño, que inclúe nos primeiros compases a voz do propio Castelao nunha mensaxe gravada en fonopostal na Central de Correos de Bos Aires, co gallo da estrea de Os vellos non deben de namorarse, no Teatro Solís de Montevideo o 8 de outubro de 1941.

O segundo slide é unha compilación dos álbums da guerra do artista rianxeiro: Galicia mártir, Atila en Galicia e Milicianos. A banda sonora correspóndelle a “A Daniel R. Castelao”, de Suso Vaamonde, do disco Nin rosmar dun laído, gravado ao vivo en Moaña en 1977.

Castelao: Álbum Nós e Álbums da Guerra.

Achegamos ao Caderno de Lingua parte da obra gráfica de Castelao por medio de dúas presentacións con música. 

A primeira recolle as láminas do álbum Nós ao completo acompañadas polo tema homónimo do disco Zume de terra (2007), de Xosé Manuel Budiño, que inclúe nos primeiros compases a voz do propio Castelao nunha mensaxe gravada en fonopostal na Central de Correos de Bos Aires, co gallo da estrea de Os vellos non deben de namorarse, no Teatro Solís de Montevideo o 8 de outubro de 1941.

 

 

O segundo slide é unha compilación dos álbums da guerra do artista rianxeiro: Galicia mártir, Atila en Galicia e Milicianos. A banda sonora correspóndelle a “A Daniel R. Castelao”, de Suso Vaamonde, do disco Nin rosmar dun laído, gravado ao vivo en Moaña en 1977. 

Ao WordPress non permitir a compatibilidade con certos recursos da rede como eSnips, onde están aloxadas estas presentacións, pódense ver directamente premendo nas ligazóns ou nas portadas anteriores.
PD (26-10-08): actualización deste post para un mellor visionado das presentación aquí.

Alfonso D. Castelao

Percorrido pola vida e a obra, especialmente a gráfica, do intelectual galeguista.