Os motores do ensino
Publicado por romanlandin on Abril 5, 2009
Alguén dubida vendo estas caras que palabras como entusiasmo, cooperación, vitalidade, compromiso, voluntarismo, dedicación… son fundamentais no ensino?
Dende o IES As Bizocas Seso Durán e o seu alumnado van queimando etapas de cara a unha nova aparición pública da Orquestra Orff no Festival Música nas túas Palabras, que combina música e poesía nun repertorio que acolle tamén as partituras compostas para a ocasión polo profesor de música do centro e que serven de acompañamento aos textos premiados no IIIº Certame de Poesía Xosé A. Barral, un concurso escolar modélico que vai a máis en cada edición.
Parabéns á comunidade escolar das Bizocas!
Seso Durán dixo
Moitas grazas polas túas palabras Román. Este ano non podes deixar de vir ao festival. Conta que será, coma sempre, a finais de xuño, esta vez na Casa de Cultura Monte da Vila, no centro de O Grove.
Saúdos de Olga, que che envia parabéns polo teu blogue.
Seguimos en contacto.
Unha aperta!