Isga Collective trae nas redes Martin Codax
Publicado por romanlandin on Xaneiro 22, 2008
O Miraxes do pasado sábado 19 achegounos dende as augas da ría de Vigo a Isga Collective, un proxecto interdisciplinar que aúna música, danza, videocreación e poesía. “A redeira”, o seu primeiro traballo publicado en 2005, inspírase nas cantigas de Martin Codax nunha combinación de vangarda e tradición musical que envolve de contemporaneidade a lírica medieval.
A redeira é a primeira referencia discográfica editada baixo o selo vigués Sul Producciones e o espectáculo púidose ver en citas como o Ciclo Martin Codax no Verbum xunto a outros traballos como a vídeo creación Sete cantigas, sete mulleres, ou a Gala Implicate!
O colectivo, formado por Isaac Garabatos, Mónica de Nut, Jesús Andrés, David González, Lorena Freijeiro e Patricia Argüelles, xa anda a traballar nun novo proxecto arredor das poetas galegas. A súa páxina ten unha sección de descarga de vídeos e temas como:
”Lúa”
“Ai ondas”
Entradas relacionadas:
Outros recursos:
Alberto Armada dixo
Grazas, Román. Eu xa o publicara hai máis dun mes e tamén deixara no vodpod o vídeo http://ticblog.wordpress.com/2007/12/14/unha-pizarra-dixital-por-so-40-e/
e calculei o custe un pouco máis barato (descontando o bluetooth que xa teñen os portátiles). Estiven “en contacto” cos primeiros que o publicaron (Choulo) e onte díxenlle a Carmen (Tecnoloxía) que lle tiña que facer un encargo, pero tiñamos clases e non me deu tempo. Como este venres andarei de excursión (Galicia Dixital) pódesllo comentar ti. Bueno, en Palmeira seica o fixeron, pero non sei… A ver se podemos facer algo… Saúdos.
romanlandin dixo
É verdade, lembro ese post teu pero non o relacionei con este outro. Parece unha solución moi boa á falta de recursos.